გაკვეთილის გეგმა თემა: „ევროპა ჩემს გაკვეთილზე“ საგანი - სამოქალაქო განათლება
კლასი	მე-10
მასწავლებელი	ელზა გიორგაძე
ჩატარების დრო	5 დეკემბერი 2017 წ.
გაკვეთილის თემა	ევროკავშირი და საქართველო
გაკვეთილის ხანგრძლივობა	45 წთ.
კლასის დახასიათება	·         განვლილი გაკვეთილებიდან მოსწავლეებმა იციან საერთაშორისო ორგანიზაციების როლი და დანიშნულება საზოგადოებრივად მნიშვნელოვანი პრობლემების გადაწყვეტის საქმეში; ·         მსჯელობენ  ადამიანის უფლებებზე,  მოვალეობებზე და პასუხისმგებლობებზე; ·         აქვთ შესაბამისი ცოდნა   ევროპის სახელმწიფოებთან საქარათველოს ისტორიული ურთიეთობების შესახებ; ·          აქვთ  მსჯელობის, ანალიზის, შეფასებისა და დასკვნების გამოტანის უნარი; ·         უჭირთ დროის მართვა და განსხვავებული პოზიციის მიღება.
სასწავლო მიზნები და მოსალოდნელი შედეგები	·         მოსწავლეებმა გაიცნონ, გაანალიზონ და შეისწავლონ ევროკავშირის შექმნის ისტორია, მისია და სტრუქტურა;   ·         გააცნობიერონ  რა როლი უჭირავს ევროკავშირს ქვეყნის ეკონომიური და ადამიანის უფლებების დაცვის დარგში; ·         გაანალიზონ საქართველოს ევროკავშირში გაწევრიანებასთან დაკავშირებული მითები და რეალობა; ·         შეძლონ ინფორმაციის შეგროვება, დახარისხება / დამუშავება და ლოგიკური დასკვნების გაკეთება. ესგ მისაღწევი შედეგები: ·         მოქ. X .6 - მოსწავლეს შეუძლია გაანალიზოს მრავალფეროვან საზოგადოებაში სამართლიანი ურთიერთობის უზრუნველყოფის საშუალებები; ·         მოქ.X. 8 - მოსწავლეს შეუძლია  საქართველოს  მდგრადი განვითარების შესაძლებლობების კვლევა;
კვეთილის მსვლელობა (აქტივობები) საკლასო მენეჯმენტი	გაკვეთილის - A ფაზა -გამოწვევა ·         აქტივობა N1. (დრო - 2  წუთი) - გამოწვევა/პროვოცირება  აქტივობის აღწერა:  გაკვეთილის დასაწყისში კლასს ვაცნობ ახალი გაკვეთილის თემას, მიზნებს, აქტივობებსა და შეფასების ფორმებს; ·         აქტივობა N2. (დრო - 6  წუთი) - აქტიური ლექცია  აქტივობის აღწერა:  - მოკლედ მიმოვიხილავ და ვახსენებ მოსწავლეებს განვლილ გაკვეთილებზე განხილულ საერთაშორისო ორგანიზაციების როლს და დანიშნულებას საზოგადოებრივად და სახელმწიფოებრივად მნიშვნელოვანი პრობლემების მოგვარების საქმეში;  ასევე  აქცენტს ვაკეთებ საგანთაშორის კავშირზე,   პარალელს ვავლებ  თემის აქტუალურობასა და მისი შესწავლის მნიშვნელობას ისტორიის, გეოგრაფიისა და ქართულის  გაკვეთილებზე. გაკვეთილის - B  ფაზა - ცოდნის კონსტრუირება ·         აქტივობა N3. (დრო - 4  წუთი) - ფილმის ჩვენება. აქტივობის აღწერა : მოსწავლეთა დაინტერესებისა და მათი მოტივაციის ამაღლების მიზნით ვაჩვენებ დოკუმენტურ ფილმს - ,,ევროკავშირის დაფუძნებისა და განვითარების მოკლე ისტორია“  ·         აქტივობა  N4. (დრო -  3  წუთი)  - ასოციაციური რუკის შექმნა,  აქტივობის აღწერა  - მოწოდებული ინფორმაციის აღქმის, გააზრებისა და თვალსაჩინოების მიზნით დაფაზე ვხაზავ ასოციაციურ რუკას, სხივების ცენტრში ვწერთ იმ სიტყვებს, რაც მოსწავლეებმა იციან/გაიგეს ევროკავშირის არსისა და მისი საქმიანობის შესახებ და შევაჯერებთ იდეებს დაფაზე.   ·         აქტივობა 5. (დრო - 22  წთ) – ჯგუფური მუშაობა + პრეზენტაცია აქტივობის აღწერა: შემთხვევითი შერჩევის საფუძველზე მოსწავლეებს ვყოფ ოთხ  ჯგუფად;  ვაძლევ წინასწარ მოძიებულ შესაბმის სასწავლო რესურსს/მასალას და მითითებას - მიწოდებულ  ინფორმაციაზე დაყრდნობით იმუშაონ შემდეგი სახის დავალებებზე:   1. ჯგუფი - როგორია ევროკავშირის შექმნის ისტორია, მისია და სტრუქტურა? 2. ჯგუფი - რა როლი უჭირავს ევროკავშირს ქვეყნის ეკონომიური და ადამიანის უფლებების დაცვის დარგში? 3. ჯგუფი -  როგორია საქარათველოსა და ევროკავშირის ურთიეთობები დღეს?   4. ჯგუფი -  მითები და რეალობა ევროკავშირის შესახებ.  ჯგუფებმა   არჩეული პრეზენტატორების  საშუალებით უნდა წარმოადგინონ ნაშრომების პრეზენტაცია; გაკვეთილის - C ფაზა - რეფლექსია ·         აქტივობა 6.  (დრო - 4  წთ)   - სტრატეგია -,, 3-2-1“ აქტივობის აღწერა: ახლადშეძენილი ცოდნის გამთლიანების  მიზნით ვაჯამებ გაკვეთილს შეკითხვების საშუალებით,  და მოსწავლეებს ვაძლევ დავალებას: 1.  დაწერეთ სამი რამ რამაც დაგაინტერესათ; 2.  დაწერეთ ორი რამ რაზეც მეტი გინდათ გაიგოთ; 3.  ერთი რამ რაზეც სიამოვნებით იმსჯელებდით; ·         აქტივობა 7.  (დრო - 2  წთ)  შეფასება აქტივობის აღწერა: მოსწავლეები შეფასდებიან  შეფასების  რუბრიკების იხედვით,როგორც განმსაზღვრელი,  ისე  განმავითარებელი  შეფასებით. (დანართი N1; N2) ·         აქტივობა 8.  (დრო - 2  წთ)   საშინაო დავალება აქტივობის აღწერა: მომდევნო  გაკვეთილისთვის მოამზადონ  რეფერატი თემაზე : ,,რატომ ევროკავშირი“
მოსალოდნელი პრობლემები და პრობლემის შესაძლო გადაჭრის გზები	·         პრეზენტაციის მსვლელობის დროს შესაძლოა მოსწავლეები ვერ ჩაეტიონ მათთვის განკუთვნილ დროში,  რის გამოც მუდმივად მოვახდენ დროის მონიტორინგს. ·         დისკუსიის დროს გაუჭირდეთ განსხვავებული პოზიციის მიღება; მოუწოდებ და მოვითხოვ პატივი სცენ განსხვავებულ აზრს!
სასწავლო რესურსები	დაფა, ცარცი, სატრეინინგო მასალა - ,,ევროპა ჩემს გაკვეთილზე“ ინტერნეტით მოძიებული მასალა, პროექტორი კომპიუტერი, სახელმძრვანელო,
შეფასება და თვითშეფასება (შეფასების კრიტერიუმები, მეთოდები და საშუალებები)	განმსაზღვრელი,  განმავითარებელი  (დანართი N1; N2;)

შეფასების რუბრიკები:

დანართი N1

ჯგუფური მუშაობა
N	სახელი	გვარი	ძალიან კარგი მოსწავლე მზად არის  მაქსიმალურად შეიტანოს საკუთარი წვლილი ჯგუფის მუშაობაში და მიაწოდოს მას რაც შეიძლება მეტი გამოსადეგი იდეა.მას ყოველთვის შეუძლია ჯგუფის სხვა წევრების წინადადებებს მოუსმინოს, გაითვალისწინოს და განავითაროს.	კარგი მოსწავლე  ნაწილობრივ არის მზად შეიტანოს საკუთარი წვლილი ჯგუფის მუშაობაში.იგი ხშირად უსმენს სხვა წევრების წინადადებებს,ითვალისწინებს და ცდილობს მათ განვითარებას.	საშუალო მოსწავლეს  იშვიათად შეაქვს საკუთარი წვლილი ჯგუფის მუშაობაში.იგი იშვიათად უსმენს ჯგუფის სხვა წევრების წინადადებებს, ნაკლებად ითვალისწინებს და თითქმის არ ცდილობს მათ განვითარებას.	ცუდი მოსწავლეს თითქმის არ შეაქვს წვლილი ჯგუფის მუშაობაში. იგი არ უსმენს, არ ითვალისწინებს და არ ცდილობს ჯგუფის სხვა წევრების წინადადებების  განვითარებას.
1
2
3
4
5
6
7
8
9
10
11
12
13
15
16
17
18
19
20

დანართი N2

პრეზენტაციის შეფასების რუბრიკა		მოსწავლის სახელიდა გვარი
N	შეფასების კომპონენტები	1	2	3	4	5	6	7	8	9	10
1	პასუხობს თემას
2	საინტერესო შესავალი
3	საკითხი ზუსტად და ამომწურავად არის გადმოცემული
4	ფაქტობრივი საიმედოობა
5	ხსნის მოვლენებს, მოჰყავს ფაქტები და არგუმენტები
6	აკეთებს მართებულ დასკვნებს, პასუხობს დაინტერესებულთა შეკითხვებს
7	პრობლემის გადაჭრის გზების შეთავაზება
8	საუბრობს გამართულაი ენით და იყენებს შესაბამის ტერმინოლოგიას
9	აუდიტორიასთან კონტაქტი
10	დროის ლიმიტის დაცვა
11	ჯამი